OLIMPIADAS DE ATLETISMO 2024
O Club Atletismo Ria de Foz coa colaborarion do Club de Atletismo Egovarros de Viveiro organiza o vindeiro VENRES 5 de abril unhas Olimpíadas de Atletismo abertas, para todos os nenos e nenas entre 6 e 16 anos que queiran probar as diferentes modalidades deste deporte.
Esta xornada terá lugar no Campo de Fútbol de Cangas de Foz de 17:30 a 20:00. Alí todos os nenos e nenas que asistan poderán probar carreiras de velocidade e fondo, carreiras de vallas, saltos de altura e lonxitude e lanzamentos de disco, peso e xavelina.
Será unha boa xornada de convivencia cos diferentes Clubs de atletismo da Mariña, na que todos os rapaces e rapazas da zona poderán desfrutar deste deporte tan bonito que compartimos.
Ademais, tamén recolleremos alimentos, polo que, agradecemos a vosa colaboración, traendo algún tipo de alimento para donar ao banco de alimentos e axudar así as familias que mais o necesitan.
Se estás interesad@ en participar nestas Olimpíadas de Atletismo abertas, a inscrición será gratuita, o propio día do evento. Así que só tes que achegarte a Cangas ese día con roupa deportiva, ganas de coñecer xente e de practicar deporte cos demais compañeir@s!
Agardámosvos con moita ilusión!
Organiza: Club Atletismo Ría de Foz
Colabora: Run Foz Run, Club Altetismo Egovarros Viveiro, Concello de Foz
